بسم الله الرحمن الرحيم
بصراحه انا توني جديد بالمنتدى وجيت المنتدى عن طريق الصدفه
وسجلت فيه .. وقريت موضوع علامات ونقوشات الكنوز وبغيت انهبل
حسيت اني غبي بمعنى الكلمه ؟؟
اقول لكم ليش ؟؟
عندنا مزعه كبيره اطوالها بالكيلو متر ومهجوره المزرعه ومحد يسير عليها
غير من فتره لفتره ... المهم اني مريت عليها قبل فتره قصيره .. ولقيت شي غريب
وهو حفره بعمق مترين حافرينها ناس مدري عنهم المهم انا جلست احلل
وش معنى المكان هذه بالذات يحفرون فيه خخخخ كان حفروا في مكان ثاني عشان
احط مكان حفرتهم مسبح ههههه المهم ... اني لقيت ( الجرن ) الظاهر اسمه كذا
وهم حافرين تحته مباشره قلت الدعوه فيها كنز ويوم قريت مواضيعكم تأكدت
والحين بحط لكم الصوره وترى الحفره تحتها مباشره بعمق مترين >> حلال على اللي حفر
ما ابي منهم شي مسامحهم دنيا واخره .. يمكن ربي كاتب لهم الرزق من عندي
وهذي الصوره
الرزليوشن عالي الدقه - احفظ الصوره وكبرها على راحتك
المهم الحين نجي في الحاجه الثانيه بعد ما شفت المنتدى والكلام اللي فيه
وشفت الحفره دريت الدعوه مهي كلام فاضي الدعوه كنوز وعالم تطير في السماء
قلت خلني اخذ لفه على المزرعه يمكن القى لي شي >> جالس يصيد حمام خخخخ
قمت فريت المزرعه شبر شبر لقيتها كلها مليانه بلاوي لها اول مالها اخر
على كلام اخواننا المصاريه ... المهم لقيت علامه غريبه على احد الصخور
يعني على صفاه ( صخره ) صماء شي بارز ( نفر >> صار خبره من مواضيعكم )
طوله حوالي 30 سم وعرضه تقريبا حوالي 15 سم ... وهو صخره بس من نوع ثاني
يعني لاصقه بطريقه غريبه يعني كنها صخره وحده بس اللون يختلف والملمس بعد
وهي بارزه عن الصخره الرئيسيه .. وهذي صوره لها ..
الرزليوشن عالي الدقه - يعني احفظ الصوره وكبرها على راحتك
والحين جينا للعلامه الثالثه وهي كتابات على الصخور والكهوف من الداخل
ولكن الكتابات غريبه ... اقولكم وش السبب انها غريبه يعني لو انت جالس بداخل
الكهف او بالقرب من العلامه ما راح تشوف شي من العلامات ؟؟؟
بس اذا رشيت عليها شويه ماء ( مويه صحه ) تظهر لك الكتابات باللون الاسود
مثل الكتابات بالفحم على نفس الكهف .. المشكله لو انها فحهم تروح مع المويه
بس هذي اذا نشفت المويه معد تشوف الكتابه واذا رشيت ماء من جديد تطلع الكتابه
يعني مو مكتوبه بالفحم ؟؟
وهذي صورتين لها وطبعا الرزليوشن عالي الدقه - يعني احفظ الصوره وكبرها على راحتك
وهذي الصوره الثانيه للكتابه من قريب - والجمله المشهوره
الرزليوشن عالي الدقه - يعني احفظ الصوره وكبرها على راحتك
والحين جينا للمهم من جد جينا للعلامه الرابعه وهي اهم العلامات
وهي صوره العقرب نفر >> على احد الصخور ( عقرب نفر الاسم ماخوذ من مواضيعكم )
الاسم اللي عندي صوره عقرب على صفاه ههههه من نفس نوع الصخره وبارزه قليل عنها
بس المشكله ان جوالي خلصت بطاريته >> ما شحنته لي يومين وتعرفون البلوتوث
المهم استعنت بصديق هههه قصدي جوالي الثاني وكانت دقه الصوره عاديه
يمكن ما تبين العقرب كثير في الصوره .. بس على الطبيعه العقرب موجوده
وكالعاده الرزليوشن عالي الدقه - يعني احفظ الصوره وكبرها على راحتك
بس مو مثل الصور السابقه لان الجوال اختلف وتصويره تعبان ابي اغيره
اذا طلعت الكنز ههههه .. هذي الصوره وياليت تكون واضحه لكم ؟؟
وفيه الكثير من العلامات الغريبه يعني المزرعه الظاهر كانت شي مهم في الماضي
الظاهر العالم كانو ما يحطون فلوسهم الا في مزرعتنا هههههه
وانا على استعداد اصور لكم بالتفصيل كل اللي يصير معي لين يطلع الكنز
سواء تصوير كاميرا او تصوير بالفيديو .. عشان يكون سبق للمنتدى هذه
وانتظر من الخبراء في الامور هذي ارشادي الى حل اللغز والرموز الغريبه
وما راح اقصر معكم بس بعد ما يطلع الكنز.
والسلام عليكم ورحمه الله وبركاته